Chudobo, chudobo

1.

Ľedova voďička dolu jarkom teče,

jak to chudobnomu ša tot život vľeče.

[:Oj, vľeče ša vľeče, i mojej mamočki,

bo holod i bida u našej chyžočki.:]

2.

Neľehko to Bože v tej chudobi žity,

suchyj chľibok isty čistu vodu pity.

[:Veľo raz ňit na chlib grajcary nebyľi,

holodny i bosy doma sme chodiľi.:]

3.

Ňaňkovy ručenky tverdy od sokyry,

v ľiši šahovinu pres deň hotoviľi.

[:Bosy potim kosu na luki ťahali,

by my, ďiti joho, chľib časťiše maľi.:]

4.

I mamočka naša tak chľib vyrabľaľi,

že bohačom v seľi lašyska rajbaľi.

[:Paľci skyrvaveny z morozu praskaľi,

jak na jarku v zimi lachy polokaľi.:]

5.

Chudobo, chudobo, ked by ťa nebylo,

ne jednej rodiny ľipše by ša žilo.

[:Keby dostal chliba každyj do sytosťi,

bylo by na šviti veci veselosti.:]