Širokyj jaročok

1.

Širokyj jaročok nemož preskočity,

poď mila pomož mi lavku položyti.

[:Lavku položyti z dereva biloho,

veru ty frajirko serca falošnoho.:]

2.

Serca falošnoho, tverdoho jak sluka,

frajiročka moja už na ňa nedumať.

[:Bilyj deň sobi jdu, ja do vas nepryjdu,

radšej frajiročko do korčmičky zajdu.:]

3.

Do našoj korčmičky dražočka sypana,

zahraj mi hudačku do biloho rana.

[:Do biloho rana, jak sonečko vyjde,

ňaj moja frajirka sama za mnou pryjde.:]

4.

Frajirka nepryšla, pryšla jeji maty,

budeš ty frajirko, budeš banovaty.

[:Budeš banovaty, nikda sa nevydaš,

bo ty pro paribka serce falošne maš.:]