U čužyni

1.

Ja neščasnyj v čužim kraju, jak syrota žyju ja,

[:vse lem o tobi dumaju, rodnaja zemle moja.:]

2.

Tam, de Beskyty, Karpaty, tam, tam moja Otčizna,

[:tam žyje moj otec, maty, sestry, bratia, rodyna.:]

3.

Ony za mnoj sja starajuť, jak ja žyju v čužyni,

[:ja za nyma vozdychaju, i po sto raz v hodyni.:]

4.

O rodnaja zemľa myla, rozmyšľaju o tobi,

[:tvoja mahnetova syla mene ťahne ko sebi.:]

5.

Ne tišať ňa čuži kraji, jich roskošy, vyhody,

[:mi na mysli hory, haji, studnyčky svižoj vody.:]

6.

Myly mi, myly Bezkidy, de žije moje plemja,

[:tam, de žyly moji predky, tam žyty choču i ja.:]

7.

Ja neščasnyj v čužim kraju, jak syrota žyju ja

[:vse lem o tobi dumaju rodnaja zemle moja.:]