Na čerešňi u sadočku

1.

Na čerešňi u sadočku vyschla haluzočka,

napysala mi pysemko moja frajiročka.

[:Ne barz dovhe, pry korotke, lem slovičok paru,

že kiď Boh dasť, dočekam sja velykoho daru.:]

2.

Odyšov jem v svit dalekyj robotu hľadaty,

a Haňički ne zabyv jem toto nakazaty.

[:Žeby na ňa choc dovšyj čas virno počekala,

o moju mať, i svoju česť, by sja postarala.:]

3.

Ťažko bylo mi v čudžiňi robotu hľadaty,

anym ne mav koly domiv pysmo napysaty.

[:Bo ja šyrym svitom bludyv štiri dovhy ročky,

a mami jem ne napysav any dva rjadočky.:]

4.

Jak jem išov od mašyny, tam de je mamočka,

pryšla ku mi obtorhana šuvna ďitynočka.

[:A tak ona mi povila, žebym sja zľutovav,

žeby jem jij, i matery, chľiba podarovav.:]

5.

Kiď jem sja chlopčika prosyv, čija je ďityna,

vin mi takoj tak odpoviv, že je lem mamyna.

[:Že joho mať ponad chyžu ťažko travu kosyť,

a ja ne znav, že to mij syn od ňa chľiba prosyť.:]