A v neďiľu

1.

A v neďiľu skoro rano, kiď naš kohut už spivav,

zvonyv sylno zvonka poplach, do vojny ňa zavolav.

[:Stavajte regruty, berte si šabličky,

pro svoju vlasť i rodyny obetujte dušičky.:]

2.

I ňa z mojim ľubym ňaňkom do boja zverbovaly,

any sme sja od mamičky odobraty ne styhly.

[:Vzjaly sme šabličky, sily na konyčky

a na našych rodnych poľach zotynaly hlavičky.:]

3.

Hej, ňaňko ťažko bojovav a išči ňa obraňav,

strilyv granat blyzko ňoho i mij ňaňko z koňa pav.

[:I tak mi zakričav a Bohu dušu dav,

nedaj ty sja tu zabyty, o mamku sja postaraj.:]

4.

Jak jem išov domiv z vojny, mamka na nas čekala,

kiď ňa samoho vyďila, z plačom ňa pryvitala.

[:Neplač, ty mamičko, dušu nezarmučaj,

ja sja o vas vse postaram, tak mi ňaňko nakazav.:]