Pid zelenov horov

1.

Pid zelenov horov maleňka chyžočka

a v ňij sama žyje stareňka žinočka.

[:Sama ona, sama, ňit pri ňej nikoho,

bo jej ďity pišli do svita šyroho.:]

2.

Každe bože rano molitvov začinať

uboha v samoťi na ďity spominať.

[:Ťažko vychovala ďity svoji štyry,

a už treťa zima jak pri ňoj ne byli.:]

3.

Choroba i starisť začli ju trapity,

na stary koľina ňit je chto obyjty.

[:V pecu jej ne horyť, chyžočka cholodna,

už vece jak syta ona je holodna.:]

4.

Pomož jej, Božičku, jary sja dožyty,

zelenu travičku išči uviďity.

[:By išči vyďila peršy lasťivočky,

jak bude syďity vonka na lavočki.:]

5.

Ne choče pryjaty po nočoch nykoho,

Lem vse vyčekuje synačka svojoho.

[:Synačka svojoho i svoju ďivočku,

že piduť kuknuty na svoju mamočku.:]